മാലിന്യ സംസ്കരണം ജനങ്ങളുടെമേൽ അധികഭാരം അടിച്ചേൽപിക്കാൻ പാടില്ല -സി.പി.ഐ തിരുവനന്തപുരം: വീടുകളിൽനിന്ന് മാലിന്യം ശേഖരിക്കുന്നതിന് പണം ഈടാക്കാനുള്ള തീരുമാനം നഗരസഭ പുനഃപരിശോധിക്കണമെന്ന് സി.പി.ഐ ജില്ല സെക്രട്ടറി അഡ്വ. ജി.ആർ. അനിൽ പ്രസ്താവനയിൽ ആവശ്യപ്പെട്ടു. ഹരിതകേരളം മിഷൻ ശുചിത്വ മാലിന്യ സംസ്കരണ പദ്ധതി ഏറെ പ്രതീക്ഷയോടെയാണ് ജനങ്ങൾ കാണുന്നത്. എന്നാൽ, ഈ പദ്ധതിയുടെ മറവിൽ ജനങ്ങളിൽ അധികഭാരം അടിച്ചേൽപിക്കുന്നത് അംഗീകരിക്കാൻ സാധിക്കില്ല. ആദ്യഘട്ടത്തിൽ 38 വാർഡുകളിൽ നടപ്പാക്കാൻ ഉദ്ദേശിക്കുന്ന പദ്ധതി പിന്നീട് നഗരത്തിലെ എല്ലാ വാർഡുകളിലേക്കും വ്യാപിപ്പിക്കാനാണ് നഗരസഭ തീരുമാനിച്ചിട്ടുള്ളത്. ഇതോടെ നഗരത്തിലെ എല്ലാ വീടുകളും മാലിന്യ നിർമാർജനത്തിന് പണം നൽകേണ്ടിവരും. ഇതുസംബന്ധിച്ച് തുറന്ന ചർച്ചക്ക് കോർപറേഷൻ മുൻകൈ എടുക്കണമെന്നും ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.