നാ​വാ​യി​ക്കു​ള​ത്ത് തെ​രു​വു​നാ​യ്ക്ക​ളു​ടെ ക​ടി​യേ​റ്റ് മൂ​ന്ന് ആ​ടു​ക​ൾ ച​ത്തു

കല്ലമ്പലം: നാവായിക്കുളം ഡീസൻറ്മുക്കിൽ തെരുവുനായ്ക്കളുടെ കടിയേറ്റ് മൂന്ന് ആടുകൾ ചത്തു. ഡീസൻറ്മുക്ക് വൈരമല ശങ്കരമംഗലം വീട്ടിൽ ജയകുമാറിെൻറ ആടുകളെയാണ് കഴിഞ്ഞദിവസം രാത്രിയിൽ തെരുവുനായ്ക്കൾ കടിച്ചുകൊന്നത്. വീടിനോടുചേർന്നുള്ള കളിയിലിൽ കെട്ടിയിരുന്ന ആടുകളുടെ കരച്ചിൽകേട്ട് വീട്ടുകാർ ഉണർന്നെത്തുമ്പോഴേക്കും രക്തത്തിൽ കുളിച്ചുകിടക്കുന്ന ആടുകളെയാണ് കണ്ടത്. നായ്ക്കൾ കൂട്ടമായി എത്തി ആക്രമിക്കുകയായിരുന്നു. പുലർച്ചെ മൂന്ന് ആടുകളും ചത്തു. പ്രദേശത്ത് അടുത്തിടെയായി തെരുവുനായ്ക്കളുടെ ശല്യം രൂക്ഷമായിട്ടും അധികൃതരുടെ ഭാഗത്തുനിന്ന് നടപടിയുണ്ടാകാത്തതിൽ രോഷാകുലരാണ് നാട്ടുകാർ.