തിരുവനന്തപുരം: കോടികള് മുടക്കി നിര്മിച്ച തമ്പാനൂര് കെ.എസ്.ആര്.ടി.സി കോംപ്ളക്സിന് ശാപമോക്ഷമാകുമെന്ന സൂചന നല്കി മന്ത്രി എ.കെ. ശശീന്ദ്രന്. ഇതിന്െറ ആദ്യപടിയായി ജില്ലാ ആര്.ടി. ഓഫിസ് ഇവിടേക്ക് മാറ്റി പ്രവര്ത്തനമാരംഭിക്കാന് തയ്യാറെടുക്കുകയാണ്. തുടക്കമെന്ന നിലയിലാണ് ഗതാഗത വകുപ്പിന് കീഴില് നിലവില് കിഴക്കേകോട്ടയിലുള്ള ആര്.ടി.ഓഫിസ് തമ്പാനൂരിലേക്ക് മാറ്റുന്നതെന്നും മന്ത്രി വാര്ത്താസമ്മേളനത്തില് പറഞ്ഞു. തമ്പാനൂരിലെയടക്കം കെ.എസ്.ആര്.ടി.സി പുതുതായി നിര്മിച്ച പല കോംപ്ളക്സുകളും വാടകക്കെടുക്കാന് ആളത്തൊതെ കിടക്കുന്നു. വാടകക്ക് പ്രവര്ത്തിക്കുന്ന സര്ക്കാര് ഓഫിസുകള് ഇത്തരം കോംപ്ളക്സുകളിലേക്ക് മാറുന്നത് ഉചിതമായിരിക്കും. ഇതിന് വിവിധ വകുപ്പുകളുടെ സംയോജിത ഇടപെടലുണ്ടാകണമെന്നും അദ്ദേഹം വ്യക്തമാക്കി. തമ്പാനൂരിലെ കോംപ്ളക്സ് നോക്കുകുത്തി പോലെ നിലകൊള്ളാന് തുടങ്ങിയിട്ട് വര്ഷങ്ങളായി. താഴത്തെ നിലയിലെ ഏതാനും കടകള് മാത്രമാണ് പ്രവര്ത്തിക്കുന്നത്. ഉപയോഗിക്കാതായതോടെ പല ഭാഗങ്ങളും പൊട്ടിപ്പൊളിഞ്ഞ് തുടങ്ങിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.