പാറശ്ശാല: ഉദിയന്കുളങ്ങരയില് തുണിക്കടയുടെ പൂട്ടുപൊളിച്ച് അഞ്ചുലക്ഷത്തോളം രൂപയുടെ റെഡിമെയ്ഡ് തുണിത്തരങ്ങള് മോഷ്ടിച്ചു. കഴിഞ്ഞദിവസം രാത്രിയാണ് സംഭവം. ഉദിയന്കുളങ്ങര ശിവശക്തി ക്ഷേത്രത്തിന് സമീപത്തെ ‘മിടുക്കി റെഡിമെയ്ഡ്’ കടയിലാണ് മോഷണം. ഷട്ടറിലെ പൂട്ട് കമ്പിപ്പാരകൊണ്ട് പൊട്ടിച്ചശേഷം മോഷ്ടിക്കുകയായിരുന്നു. ഓണവിപണനത്തിന് ഇറക്കിവെച്ച തുണികളാണ് അധികവും മോഷണം പോയത്. രാവിലെ തുണിക്കടയിലെ ജീവനക്കാരി കട തുറക്കാനത്തെിയപ്പോഴാണ് പൂട്ടുപൊളിച്ചത് കണ്ടത്. തുടര്ന്ന് പൊലീസിനെ വിവരമറിയിക്കുകയായിരുന്നു. പൊലീസ് എത്തി പരിശോധിച്ചപ്പോഴാണ് മോഷണം സ്ഥിരീകരിച്ചത്. ഡോഗ് സ്ക്വാഡ് സ്ഥലത്തത്തെി പരിശോധന നടത്തി. അഞ്ചുലക്ഷത്തോളം രൂപയുടെ തുണിത്തരങ്ങള് മോഷ്ടിക്കപ്പെട്ടതായി ഉടമസ്ഥന് സമീഷ് പറഞ്ഞു. പാറശ്ശാല പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.