വിതുര: തൊളിക്കോട് പുളിമൂട് കണ്ണങ്കര സ്വദേശി മുഹമ്മദ് ഷാഫിക്ക് (35) വെട്ടേറ്റ സംഭവത്തില് രണ്ടുപേരെ പൊലീസ് കസ്റ്റഡിയിലെടുത്തു. തോട്ടുമുക്ക് കോണില് വീട്ടില് ഇടിവെട്ട് അനസ് എന്ന അനസ് (28), പുളിമൂട് ജെ.എസ് ഫ്ളാറ്റില് സത്താര് (46) എന്നിവരെയാണ് പൊലീസ് അറസ്റ്റ് ചെയ്തത്. സംഭവശേഷം മുങ്ങിയ ഇവര് കഴിഞ്ഞ ദിവസം തൊളിക്കോട്ടത്തെിയിരുന്നു. തുടര്ന്നാണ് പൊലീസ് പിടികൂടിയത്. പണമിടപാട് സംബന്ധിച്ച വിഷയമാണ് അക്രമത്തില് കലാശിച്ചതെന്നാണ് പൊലീസ് ഭാഷ്യം. ഇടക്കിടക്ക് ഷാഫി പ്രതികളില്നിന്ന് പണം ആവശ്യപ്പെടുകയും ഭീഷണിപ്പെടുത്തുകയും ചെയ്തിരുന്നതായി പ്രതികള് മൊഴി നല്കിയതായി പൊലീസ് പറഞ്ഞു. വിനോദസഞ്ചാര കേന്ദ്രമായ പൊന്മുടിയിലത്തെിയ സഞ്ചാരികളില്നിന്ന് ആഭരണങ്ങള് മോഷ്ടിച്ച കേസുള്പ്പെടെ നിരവധി കേസിലെ പ്രതിയാണ് ഷാഫി. ഇയാള് തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലാണ്. പാലോട് സി.ഐ എം.കെ. മനോജ്, എസ്.ഐമാരായ എ.അന്സാരി, ശ്രീകുമാര്, എസ്.സി.പി.ഒ സജു, വിനോദ്, ഷിബു എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്. പ്രതികളെ നെടുമങ്ങാട് കോടതി റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.