കാട്ടാക്കട: പൊതുസ്ഥലങ്ങളില് സ്ത്രീകള്ക്കുനേരെ അശ്ളീല പ്രദര്ശനം നടത്തുകയും ഉപദ്രവിക്കുകയും ചെയ്യുന്നയാള് പിടിയില്. കട്ടയ്ക്കോട് കാന്തള തടത്തരികത്ത് വീട്ടില് ബൈജുവാണ് (32)പിടിയിലായത്. തിങ്കളാഴ്ച ഉച്ചക്ക് കാട്ടാക്കട ഡിപ്പോയില്വെച്ച് അശ്ളീലപ്രദര്ശനം നടത്തുന്നതിനിടെ സ്ത്രീകള് ഇയാളെ പിടികൂടി പൊലീസില് ഏല്പ്പിക്കുകയായിരുന്നു. ഒരാഴ്ചമുമ്പും ഇതേ സ്ത്രീ കുട്ടിയുമായി എത്തിയപ്പോഴും ബസ് സ്റ്റേഷനില്വെച്ച് ഉപദ്രവിക്കാന് ശ്രമിച്ചിരുന്നു. സ്ത്രീകള് കൂടുതലായി എത്തുന്ന ബസ് സ്റ്റേഷന്, മാര്ക്കറ്റ് എന്നിവിടങ്ങളില് അശ്ളീലപ്രദര്ശനം നടത്തുകയും സ്ത്രീകളെ ഉപദ്രവിക്കുകയും ചെയ്യുന്നത് ഇയാളുടെ പതിവാണെന്ന് കാട്ടാക്കട പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.