ശ്രീകാര്യം: മോഷണവാഹനത്തില് ചുറ്റിനടന്ന് വാഹനം മോഷ്ടിക്കുന്ന മൂന്നംഗസംഘത്തെ ശ്രീകാര്യം പൊലീസ് പിടികൂടി. കുമാരപുരം കലാകൗമുദി റോഡില് സുധീഷ് (22), കണ്ണമ്മൂല തുഷാര ഭവനില് അപ്പു എന്ന രാഹുല് (22), കണ്ണമ്മൂല കളിയില് വീട്ടില് നന്ദകുമാര് (19) എന്നിവരാണ് പിടിയിലായത്. ചൊവ്വാഴ്ച രാത്രി പൊലീസ് നടത്തിയ വാഹനപരിശോധനയിലാണ് ചാവടിമുക്കില് വെച്ച് 10.30 ഓടെ പിടികൂടിയത്. അന്വേഷണത്തില് പ്രതികള് സഞ്ചരിച്ചിരുന്ന സ്കൂട്ടര് തുറുവിക്കല് പണയില് വീട്ടില് സുമിയുടേതാണെന്ന് തെളിഞ്ഞു. നന്ദകുമാര് കഴക്കൂട്ടം സ്റ്റേഷന് പരിധിയില് രണ്ട് ബൈക്കുകള് മോഷ്ടിച്ച കേസില് അമ്പത് ദിവസം ജയില് ശിക്ഷ അനുഭവിച്ച് പുറത്തിറങ്ങിയിട്ട് ഏതാനും ദിവസങ്ങളായതേയുള്ളെന്ന് പൊലീസ് പറഞ്ഞു. ക്രൈം എസ്.ഐ. സൈറസ് പോള്, എ.എസ്.ഐ കുമാരന്, പൊലീസുകാരായ രാജേഷ്, മനോജ് എന്നിവരടങ്ങിയ സംഘമാണ് പിടികൂടിയത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.