വര്ക്കല: മന്ത്രി കെ. ബാബുവിനെ താഴെവെട്ടൂര് ജങ്ഷനില് സി.പി.എം പ്രവര്ത്തകര് വഴിയില് തടയാന് ശ്രമിച്ചു. ചൊവ്വാഴ്ച രാവിലെ പത്തോടെയാണ് സംഭവം. വെട്ടൂര് ഗവ. എച്ച്.എസ്.എസില് പുതുതായി നിര്മിക്കുന്ന ഇരുനില കെട്ടിടങ്ങളുടെയും ഓഡിറ്റോറിയത്തിന്െറയും ശിലാസ്ഥാപനത്തിനാണ് മന്ത്രി എത്തിയത്.സി.പി.എം വര്ക്കല ഏരിയാ സെക്രട്ടറി അഡ്വ. എസ്. ഷാജഹാന്െറ നേതൃത്വത്തിലെ പ്രവര്ത്തകരാണ് തടയാന് ശ്രമിച്ചത്. മന്ത്രി രാജിവെക്കണമെന്നും പ്രതിഷേധക്കാര് മുദ്രാവാക്യം മുഴക്കി. എന്നാല്, മന്ത്രിയുടെ കാറിന് പൊലീസുകാര് വലയം തീര്ക്കുകയും പ്രതിഷേധക്കാരെ ബലമായി ചെറുക്കുകയും ചെയ്തു. പ്രതിഷേധക്കാര് കരിങ്കൊടി കാട്ടി പ്രതിഷേധിച്ചു.നഗരസഭാ ചെയര്പേഴ്സണ് ബിന്ദു ഹരിദാസ്, വൈസ് ചെയര്മാന് എസ്. അനിജോ, കൗണ്സിലര്മാരായ ഗീതാ ഹേമചന്ദ്രന്, ശുഭാഭദ്രന്, രാജി സുനില്, സജിത്റോയ്, വര്ക്കല ബ്ളോക് പഞ്ചായത്ത് പ്രസിഡന്റ് എം.കെ. യൂസുഫ് എന്നിവരുടെ നേതൃത്വത്തിലാണ് വഴിതടയാന് ശ്രമിച്ചതും കരിങ്കൊടി കാണിച്ചതും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.