തൃപ്രയാർ: കേരള സ്റ്റേറ്റ് സർവിസ് പെൻഷനേഴ്സ് യൂനിയൻ തളിക്കുളം ബ്ലോക്ക് കമ്മിറ്റിയുടെ നേതൃത്വത്തിൽ പ്രഖ്യാപി ച്ച് തൃപ്രയാർ മിനി സിവിൽ സ്റ്റേഷനിലേക്ക് പ്രകടനവും ധർണയും നടത്തി. തൃപ്രയാർ ബസ്സ്റ്റാൻഡിൽനിന്ന് ആരംഭിച്ച പ്രകടനം മിനി സിവിൽ സ്റ്റേഷന് മുന്നിൽ സമാപിച്ചു. തുടർന്ന് നടത്തിയ ധർണ സെൻട്രൽ ഗവ. എംപ്ലോയീസ് കോൺഫഡറേഷൻ സ്റ്റേറ്റ് പ്രസിഡൻറ് വി. ശ്രീകുമാർ ഉദ്ഘാടനം ചെയ്തു. മതാടിസ്ഥാനത്തിൽ പൗരത്വം നിർണയിക്കുന്ന നിയമത്തിനെതിരെ തെരുവിലിറങ്ങിയ ഇന്ത്യൻ യുവത്വത്തിന് ഐക്യദാർഢ്യം പ്രഖ്യാപിക്കുന്നതായി ശ്രീകുമാർ പറഞ്ഞു. ഭരണകൂട മർദനങ്ങൾക്ക് കീഴ്പ്പെടാത്ത സമാധാനകാംക്ഷികളായ ജനത അധികാര കേന്ദ്രങ്ങളുടെ ഉറക്കംകെടുത്തുന്നു. ചരിത്രത്തിൻെറ ഈ ദശാസന്ധിയിൽ നീതിതേടുന്ന പീഡിത ജനതക്കൊപ്പം നിൽക്കുകയാണെന്നും ശ്രീകുമാർ പറഞ്ഞു. ബ്ലോക്ക് പ്രസിഡൻറ് ടി.സി. റീത്ത അധ്യക്ഷത വഹിച്ചു. ജില്ല കമ്മിറ്റി അംഗം പി.ഐ. സൈമൺ, ഇ.വി. ദശരഥൻ, പ്രഫ. എം.വി. മധു, കെ.കെ. ധർമപാലൻ, സി.കെ. മധു, സി.കെ. ഹുസൈൻ, പി.ആർ. രഘുനാഥ്, ടി.ആർ. കേശവൻ, ബി.എൻ. ജയാനന്ദൻ, സുഭദ്ര എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.