തൃശൂർ: കാലാവസ്ഥ വ്യതിയാനത്തിനെതിരെ ലോകവ്യാപകമായി വെള്ളിയാഴ്ച വരെ നടക്കുന്ന ഗ്ലോബൽ ക്ലൈമറ്റ് സ്ട്രൈക്കിന് ഐക്യദാർഢ്യവുമായി തൃശൂരിൽ യുവകലാസാഹിതി പ്രവർത്തകർ പ്രകടനം നടത്തി. സാഹിത്യ അക്കാദമി പരിസരത്തുനിന്ന് ആരംഭിച്ച് കോർപറേഷന് ഓഫിസിന് മുന്നിൽ സമാപിച്ചു. ഐ.സതീഷ് കുമാർ, എം.യു. കബീർ, ടി.കെ. രാമദാസ്, കലാമണ്ഡലം അനീഷ്, സി.കെ. രത്നകുമാരി, മാഗി, ശാലിനി പടിയത്ത്, ശശി നെട്ടിശ്ശേരി, നിജിത തുടങ്ങിയവർ നേതൃത്വം നൽകി. വിശദീകരണ യോഗം വനിത കലാസാഹിതി സംസ്ഥാന പ്രസിഡൻറ് ലില്ലി തോമസ് പാലോക്കാരൻ ഉദ്ഘാടനം ചെയ്തു. യുവകല സാഹിതി ജന. സെക്രട്ടറി ഇ.എം. സതീശൻ വിഷയം അവതരിപ്പിച്ചു. വനിത കലാ സാഹിതി ജില്ല പ്രസിഡൻറ് സി.കെ. രത്നകുമാരി അധ്യക്ഷത വഹിച്ചു. യുവകലാ സാഹിതി ജില്ല സെക്രട്ടറി സി.വി. പൗലോസ്, വനിത കലാസാഹിതി ജില്ല സെക്രട്ടറി ആശാ ഉണ്ണിത്താൻ, ഡോ. ജവഹർലാൽ, സംസ്ഥാന കമ്മിറ്റിയംഗം ഉണ്ണികൃഷ്ണൻ തോട്ടശ്ശേരി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.