തൃശൂർ: ബി.എസ്.എൻ.എൽ, എം.ടി.എൻ.എൽ (മഹാനഗർ ടെലികോം നിഗം ലിമിറ്റഡ്) എന്നിവയുടെ പുനരുദ്ധാരണം സംബന്ധിച്ച് വ്യാഴാഴ്ച ഡ ൽഹിയിൽ ചർച്ച നടക്കും. പ്രധാനമന്ത്രിയുടെ അടുത്തിടെ പ്രിൻസിപ്പൽ സെക്രട്ടറിയായി ചുമതലയേറ്റ പ്രമോദ് കുമാർ മിശ്രയുടെ സാന്നിധ്യത്തിലാണ് ചർച്ച. നീതി ആയോഗ് ചീഫ് എക്സിക്യൂട്ടിവ് അമിതാഭ് കാന്തും ടെലി കമ്യൂണിക്കേഷൻ വകുപ്പ്, സാമ്പത്തിക കാര്യം, എക്സ്പെൻഡിച്ചർ വിഭാഗം എന്നിവയുടെ സെക്രട്ടറിമാരും ചർച്ചയിൽ പങ്കെടുക്കുമെന്ന് സഞ്ചാർ നിഗം എക്സിക്യൂട്ടിവ്സ് അസോസിയേഷൻ കേന്ദ്രങ്ങൾ പറഞ്ഞു. പ്രധാനമന്ത്രിയുടെ പ്രിൻസിപ്പൽ സെക്രട്ടറിയായിരുന്ന നൃപേന്ദ്ര മിശ്രയുടെ സാന്നിധ്യത്തിൽ നടന്ന ചർച്ചയിൽ ബി.എസ്.എൻ.എൽ, എം.ടി.എൻ.എൽ പുനരുദ്ധാരണ പാക്കേജിന് രൂപം നൽകിയിരുന്നു. അതിനിടക്കാണ് അദ്ദേഹം ചുമതലയൊഴിഞ്ഞത്. പുതിയ പ്രിൻസിപ്പൽ സെക്രട്ടറി രണ്ട് ടെലികോം കമ്പനികളുടെയും വിഷയത്തിൽ ആദ്യമായാണ് ഇടപെടുന്നത്. കഴിഞ്ഞ ദിവസം എക്സിക്യൂട്ടിവ്സ് അസോസിയേഷൻ ജനറൽ സെക്രട്ടറി കെ. െസബാസ്റ്റ്യൻ പ്രധാനമന്ത്രിക്ക് അടിയന്തര ഇടപെടൽ ആവശ്യപ്പെട്ട് കത്തയച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.