പുത്തൻചിറ: പ്രാദേശിക സാംസ്കാരിക സംഘടനകളുടെ സേവന പ്രവർത്തനങ്ങൾ സി.പി.ഐ തടസ്സപ്പെടുത്തുന്നതായി കരിങ്ങോൾചിറ ജനകീയ കൂട്ടായ്മ ഭാരവാഹികൾ ആരോപിച്ചു. പ്രളയത്തിൽ വീട് തകർന്ന പുത്തൻചിറ വെന്മനശേരി സുദർശനന് വീട് നിർമിച്ച് നൽകാൻ ജനകീയ കൂട്ടായ്മ തീരുമാനിച്ചിരുന്നു. എന്നാൽ, സ്ഥലം കരഭൂമിയല്ലെന്ന് കാണിച്ച് പഞ്ചായത്ത് സെക്രട്ടറി നോട്ടീസ് നൽകിയതോടെ നിർമാണ പ്രവർത്തനങ്ങൾ പാതിവഴിയിൽ നിർത്തേണ്ടി വന്നു. എന്നാൽ, സി.പി.ഐയുടെ നേതാവ് മറിച്ച് പ്രചാരണം നടത്തിയതായി കൂട്ടായ്മ ആരോപിച്ചു. വീട്ടുകാരന് വീട് നിർമാണത്തിന് അനുമതിപത്രം ലഭിച്ചിട്ടുണ്ട്. ശേഷിക്കുന്ന വീട് നിർമാണം ജനകീയ കൂട്ടായ്മ ജനപങ്കാളിത്തതോടെ നടത്തുമെന്ന് ഭാരവാഹികളായ പ്രസിഡൻറ് സാലി സജീർ, ശങ്കരൻ കുട്ടി മേനോൻ, സി.എം. റിയാസ്, അഷറഫ് വൈപ്പൻകാട്ടിൽ എന്നിവർ വാർത്ത സമ്മേളനത്തിൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.