കൊടുങ്ങല്ലൂർ: ചങ്ങാതിക്കുറി വഴി സമാഹരിച്ച പണം പ്രളയ ദുരിതാശ്വാസത്തിലേക്ക് നൽകി സുമേധൻ. പൊരിബസാർ ശ്രുതി ബേക്കറിയാണ് പ്രയാസം അനുഭവിക്കുന്നവരെ സഹായിക്കുന്ന പഴയ കാലത്തെ ചങ്ങാതിക്കുറി അഥവാ ചായക്കുറി നടത്തിപ്പിെൻറ കേന്ദ്രമായത്. രാവിലെ അഞ്ച് മുതൽ വൈകുന്നേരം ആറ്വരെ വിൽക്കുന്ന ചായയുടെ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൊടുക്കുമെന്ന് ഉടമ സുമേധ് നേരത്തേ പ്രഖ്യാപിച്ചിരുന്നു. സഹായത്തിനായ് ഉണ്ണിയപ്പം ഉണ്ടാക്കി സുഹൃത്തുക്കളായ ബഷീറും വാർഡ് അംഗം ഹുസൈനും കൂടിയപ്പോൾ കച്ചവടം പൊടിപൊടിച്ചു. 7,130 രൂപയാണ് ചായ മാത്രം വിറ്റ് കിട്ടിയത്. ഇൗ തുക ഇ.ടി. ടൈസൺ എം.എൽ.എക്ക് കൈമാറി. തഹസിൽദാർ കെ.വി. തോമസ് പങ്കെടുത്തു. എം.എ. അനിൽ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.