മേത്തല: മുസിരിസ് പൈതൃക പദ്ധതിയുടെ ഭാഗമായ കോട്ടപ്പുറം ആംഫി തിയറ്ററിന് സമീപം വിനോദ സഞ്ചാരികൾക്കായി ഒരുക്കിയ ഇരിപ്പിടം സാമൂഹിക വിരുദ്ധർ തകർത്തു. കഴിഞ്ഞ ദിവസം രാത്രിയിലാണ് കരിങ്കല്ല് ഉപയോഗിച്ച് നിർമിച്ച ചാരുബെഞ്ച് തകർത്തത്. ലഹരി വിൽപനക്കാർ പതിവായി ഇവിടെ തമ്പടിക്കുന്നത് നാട്ടുകാർ ചോദ്യം ചെയ്തിരുന്നു. ഇതാണ് ഇരിപ്പിടം തകർക്കാൻ കാരണമായതെന്ന് പറയുന്നു. പൊലീസ് ഈ പ്രദേശത്തേക്ക് വരാത്തത് സാമൂഹിക വിരുദ്ധർക്ക് അവസരമായെന്ന് നാട്ടുകാർ ആരോപിച്ചു. മുസിരിസ് പദ്ധതി ഇൻചാർജ് സജ്ന പൊലീസിൽ പരാതി നൽകി. അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.