എരുമപ്പെട്ടി: പഞ്ചായത്ത് അതിർത്തിയിൽ മഴക്കെടുതിയുടെ ഭാഗമായുള്ള ശുചീകരണ പ്രവർത്തനങ്ങളുടെ രണ്ടാം ഘട്ടം തുടങ്ങി. പുഴയോരത്ത് അടിഞ്ഞ പ്ലാസ്റ്റിക് മാലിന്യം ശേഖരിക്കൽ, പരിസര ശുചീകരണം, സൂപ്പർ ക്ലോറിനേഷൻ, കിണറുകളിലെ വെള്ളം പരിശോധിക്കൽ എന്നിവയാണ് രണ്ടാം ഘട്ടത്തിൽ നടത്തുന്നത്. എരുമപ്പെട്ടി പഞ്ചായത്ത് അതിർത്തിയിലൂടെ കടന്ന് പോവുന്ന കാഞ്ഞിരക്കോട് മുതൽ കരിയന്നൂർ വരെയുള്ള സ്ഥലങ്ങളാണ് വൃത്തിയാക്കുന്നത്. പഞ്ചായത്ത് പ്രസിഡൻറ് മീന ശലമോൻ, വൈസ് പ്രസിഡൻറ് കെ. ഗോവിന്ദൻ കുട്ടി, സ്ഥിരം സമിതി അധ്യക്ഷന്മാരായ പ്രീതി സതീഷ്, എൻ.കെ. കബീർ, പി.എം. ഷൈല, അംഗങ്ങളായ കെ.വി. രാജശേഖരൻ, അനിത വിൻസൻറ്, സി.ടി. ഷാജൻ, സി.എ. ജോസഫ് എന്നിവർ നേതൃത്വം നൽകി. ശേഖരിക്കുന്ന പ്ലാസ്റ്റിക് മാലിന്യം ഗ്രീൻ കേരള കമ്പിനിക്ക് കൈമാറാനാണ് തീരുമാനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.