തൃശൂർ: കോലഴിയിൽ വാഹന പരിശോധനക്കിടെ 15 ലക്ഷം രൂപയുടെ കുഴൽപ്പണം പിടികൂടി. മഞ്ചേരി സ്വദേശികളായ കണ്ടൻപാടി നെല്ലികുത്ത് അബ്ദുസലാം (42), ചക്കിപറമ്പിൽ ഷറഫുദ്ദീൻ (36) എന്നിവരെ അറസ്റ്റു ചെയ്തു. ഇവർ സഞ്ചരിച്ച കാർ പിടിച്ചെടുത്തു. ഞായറാഴ്ച രാവിലെയായിരുന്നു സംഭവം. വാഹന പരിശോധനക്കിടെ കാറിൽനിന്ന് സഞ്ചി പുറത്തേക്ക് വലിച്ചെറിയുകയായിരുന്നു. ഇത് പരിശോധിച്ചപ്പോഴാണ് 15,66,000 രൂപ കണ്ടെത്തിയത്. അറകളോട് കൂടിയ സഞ്ചിയിൽ രണ്ടായിരത്തിെൻറ നോട്ടുകൾ അടുക്കിവെച്ച നിലയിലായിരുന്നു. വിയ്യൂർ എസ്.െഎ ഡി. ശ്രീജിത്തിെൻറ നേതൃത്വത്തിൽ പൊലീസുകാരായ കെ.എൽ. ജോഷി, കെ.എം. അരുൺ, എസ്. അനീഷ്, മനോജ് എന്നിവരാണ് പണം പിടികൂടിയത്. കേസെടുത്ത് അന്വേഷണം തുടങ്ങിയതായി പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.