ആമ്പല്ലൂര്-: കാര്ഷിക മേഖലക്ക് ഊന്നല് നല്കുന്ന, കൊടകര ബ്ലോക്ക് പഞ്ചായത്ത് ബജറ്റ് വൈസ് പ്രസിഡൻറ് ടി.എസ്. ബൈജു അവതരിപ്പിച്ചു. 21 കോടി ഒമ്പതര ലക്ഷം വരവും 21 കോടി ചെലവും പ്രതീക്ഷിക്കുന്നതാണ് ബജറ്റ്. വീട് നിർമിക്കുന്നതിന് ഒന്നരക്കോടിയും കാര്ഷിക മേഖലയെ പരിപോഷിപ്പിക്കുന്നതിന് ഒന്നേകാല് കോടിയും വകയിരുത്തി. വനിതകളുടെ ഉന്നമനം ലക്ഷ്യമിട്ട് പ്ലാന് ഫണ്ടില് നിന്ന് 60 ലക്ഷവും കൗമാരക്കാരായ പെണ്കുട്ടികളുടെ സമഗ്ര വികസനത്തിന് 17.5 ലക്ഷവും സ്വയം സഹായ സംഘങ്ങള്ക്ക് ധനസഹായം നൽകാൻ 16 ലക്ഷം രൂപയും നീക്കിവെച്ചു. പട്ടികജാതി വിഭാഗത്തിനായി രണ്ടു കോടി, ദേശീയ ഗ്രാമീണ തൊഴിലുറപ്പ് പദ്ധതിക്ക് എട്ടു കോടി, ശിശുക്ഷേമ പദ്ധതികള്ക്കായി 23 ലക്ഷവും ബജറ്റില് വകയിരുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.