സാങ്കേതിക സർവകലാശാല സ്റ്റാറ്റ്യൂട്ട് നടപ്പിലാക്കുക -ഫ്രറ്റേണിറ്റി മൂവ്മെൻറ് തൃശൂർ: സാങ്കേതിക സർവകലാശാല സ്റ്റാറ്റ്യൂട്ട് ഉടൻ നടപ്പാക്കണമെന്നാവശ്യപ്പെട്ട് ഫ്രറ്റേണിറ്റി മൂവ്മെൻറ് ജില്ല കമ്മിറ്റിയുടെ നേതൃത്വത്തിൽ എൻജിനീയറിങ് വിദ്യാർഥികൾ കൃഷിമന്ത്രി വി.എസ്. സുനിൽ കുമാർ, വിദ്യാഭ്യാസ മന്ത്രി പ്രഫ. സി. രവീന്ദ്രനാഥ്, എം.എൽ.എമാരായ ഇ.ടി ടൈസൺ, യു.ആർ. പ്രദീപ് എന്നിവർക്ക് നിവേദനം നൽകി. സാങ്കേതിക സർവകലാശാല രൂപവത്കരിച്ച് മൂന്ന് വർഷം പിന്നിട്ടിട്ടും സ്റ്റാറ്റ്യൂട്ട് രൂപവത്കരണം എങ്ങുമെത്തിയിട്ടില്ല. ഈ ആവശ്യം ഉന്നയിച്ച് സംസ്ഥാനത്തെ 140 എം.എൽ.എ മാർക്കും നിവേദനം നൽകും. ജില്ല പ്രസിഡൻറ് ഒ.എച്ച്. മുഹ്സിന, സെക്രട്ടറി സുഹൈബ് അലി, വൈസ് പ്രസിഡൻറ് ജസീം, പ്രിൻസ്, സെക്രട്ടറിമാരായ അഫ്സൽ, സുഹൈൽ, മസ്ഹൂദ് അലി, ജില്ല സെക്രേട്ടറിയറ്റ് അംഗങ്ങളായ ഷാഹിൽ, മുബാറക്ക്, അഷ്ഫാഖ് അഹമ്മദ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.