തൃശൂര്: നഗരത്തിലെ കുടിവെള്ള വിതരണത്തില് മാലിന്യം കലര്ന്നതിനെ തുടര്ന്ന് പരാതിയുമായി വീട്ടമ്മമാര് കോര്പറേഷനില്. തൃശൂര് ഈസ്റ്റ് പൊലീസ് ക്വാര്ട്ടേഴ്സിലെ വീട്ടമ്മമാരാണ് കോര്പറേഷന് പരാതി നല്കിയത്. പഴയ ക്വാര്ട്ടേഴ്സില് നൂറോളം കുടംബങ്ങളാണ് താമസിക്കുന്നത്. പീച്ചിയില്നിന്ന് നഗരത്തിലേക്ക് കുടിവെള്ള വിതരണം ചെയ്യുന്ന പൈപ്പ് ലൈനില് നിന്നാണ് മലിന ജലം കലര്ന്നതായി പരാതി നല്കിയിരിക്കുന്നത്. സമീപത്തെ കുടിവെള്ള സ്രോതസ്സില് ഇ-കോളി ബാക്ടീരയയുടെ അളവ് കൂടുതല് ആയതിനാല് ഉപയോഗിക്കാനും പറ്റാത്ത സ്ഥിതിയാണ്. നഗരത്തിലേക്കുള്ള പൈപ്പ് ലൈന് പൊട്ടി മാലിന്യം കലര്ന്നതായാണ് സംശയിക്കുന്നത്. പൈപ്പ് ലൈനില് തകരാര് കണ്ടെത്തി പരിശോധിക്കുന്നതിനുള്ള നടപടികള് ആരംഭിച്ചതായി കോര്പറേഷന് അധികൃതര് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.