തൃശൂര്: ഉദ്യോഗാര്ഥികള്ക്ക് നിലവിലുള്ള സ്പോര്ട്സ് മാർക്ക് വെയിറ്റേജ് കൂടാതെ പി.എസ്.സി വഴിയുള്ള തെരഞ്ഞെടുപ്പുകളില് ഒരു ശതമാനം സംവരണവും അനുവദിച്ചിട്ടുണ്ടെന്ന് പി.എസ്.സി ചെയര്മാന് എം.കെ. സക്കീര് പറഞ്ഞു. റൂറല് ഗെയിംസ് ഓര്ഗനൈസേഷന് ഓഫ് ഇന്ത്യ ബോക്സിങ് താരങ്ങള്ക്ക് തൃശൂരിൽ നല്കിയ സ്വീകരണം ഉദ്ഘാടനം ചെയ്യുകയായിരുന്നു അദ്ദേഹം. ഫോര്മര് പഞ്ചായത്ത് മെമ്പേഴ്സ് അസോസിയേഷന് ജില്ല പ്രസിഡൻറ് കരീം പന്നിത്തടം അധ്യക്ഷത വഹിച്ചു. ബേസ്ബാള് അസോസിയേഷന് ജില്ല പ്രസിഡൻറ് ബിന്നി ഇമ്മട്ടി മുഖ്യാതിഥിയായി. നേപ്പാളില് നടന്ന ഇൻറര്നാഷനല് റൂറല് ഗെയിംസ് ബോക്സിങ്ങില് സ്വർണം നേടിയ അക്ഷയ് ദിലീപ്, പി.ബി. ഗൗതം എന്നിവര്ക്കാണ് സ്വീകരണം നല്കിയത്. സ്പോര്ട്സ് അസോസിയേഷന് ഭാരവാഹികളായ രഞ്ജിത് മേനോന്, പി.എസ്. ഭരതന്, വര്ഗീസ് വാഴപ്പിള്ളി, പി.എസ്. അരവിന്ദാക്ഷന്, അഖില് ബാബു, കെ.സി. ധീരജ്, മനേഷ് കെ. ജോസ് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.