തൃശൂർ: പെൻസിൽ മുനയിൽ ലോകകപ്പ് മാതൃകയൊരുക്കി വടക്കാഞ്ചേരി സ്വദേശി സൂരജ് കുമാർ വീണ്ടും ശ്രദ്ധേയനാകുന്നു. നാടും നഗരവും ലോകകപ്പ് ആരവത്തിൽ ആവേശം കൊള്ളുമ്പോൾ ഫുട്ബാൾ പ്രേമികളെ ഏറെ ആവേശത്തിലാഴ്ത്തുന്നതാണ് ഈ കലാകാരെൻറ സൃഷ്ടി. നേരത്തെ കോഴിമുട്ടക്കുള്ളിൽ നടത്തിയ മൈക്രോ പെയിൻറിങ്ങിലൂടെ യു.ആർ.എഫ് നാഷനൽ റെക്കോഡ് നേടിയിട്ടുള്ള ഈ കലാകാരൻ, ഒരു കടുകുമണി 714 കഷ്ണങ്ങളാക്കിയും ശ്രദ്ധനേടിയിട്ടുണ്ട്. രണ്ട് എം.എം പെൻസിലിൽ മുക്കാൽ സെൻറീമീറ്റർ വലുപ്പത്തിലാണ് കലാകാരൻ ലോകകപ്പ് നിർമിച്ചത്. വടക്കാഞ്ചേരി നടത്തറ ചൂൽപുറത്ത് കുമാരെൻറയും സുമിത്രയുടെയും മൂന്നാമത്തെ മകനായ സൂരജ്, അത്ഭുതപ്പെടുത്തുന്ന മറ്റുചില സൃഷ്്ടികളുടെ പണിപ്പുരയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.