തൃശൂര്: ജില്ല കലക്ടറായി ടി.വി. അനുപമ ചുമതലയേറ്റു. രാവിലെ കലക്ടറേറ്റിലെത്തിയ നിയുക്ത കലക്ടറെ സബ് കലക്ടര് ഡോ. രേണുരാജ്, എ.ഡി.എം ഇന്ചാര്ജ് എം.ബി. ഗിരീഷ് എന്നിവരുടെ നേതൃത്വത്തില് ഉദ്യോഗസ്ഥരും ജീവനക്കാരും ചേര്ന്ന് സ്വീകരിച്ചു. തുടര്ന്ന് ചേംബറിലെത്തി ചുമതലയേറ്റു. തെൻറ പ്രവര്ത്തനങ്ങളില് മുന്വിധികളില്ലെന്നും തൃശൂരിനെക്കുറിച്ച് വ്യക്തമായി പഠിച്ച് പ്രവര്ത്തിക്കുമെന്ന് ടി.വി. അനുപമ പറഞ്ഞു. ആലപ്പുഴയില് കലക്ടറായിരുന്ന അനുപമ, മന്ത്രിയായിരുന്ന തോമസ് ചാണ്ടിയുടെ ഭൂമി ൈകയേറ്റവുമായി ബന്ധപ്പെട്ട കേസില് കോടതിയില് നിര്ണായക റിപ്പോര്ട്ട് നല്കിയിരുന്നു. ഈ റിപ്പോര്ട്ടാണ് മന്ത്രിയുടെ രാജിക്ക് പ്രധാന കാരണമായത്. മുന് ഭക്ഷ്യ സുരക്ഷ കമീഷണറായിരിക്കെ ഭക്ഷ്യോൽപന്ന കമ്പനിയുടെ ഉൽപന്നങ്ങളില് മായം കണ്ടെത്തി നടപടിയെടുത്തും അനുപമയെ ശ്രദ്ധേയയാക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.