തൃശൂർ: തൃശൂർ വെസ്റ്റ് പൊലീസ് സ്റ്റേഷനിലെ സി.ഐ ഉൾപ്പെടെ പൊലീസുകാർക്ക് ദേഹാസാസ്ഥ്യം അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ചു. ഭക്ഷ്യവിഷബാധയാണ് കാരണമെന്ന് പറയുന്നു. സി.ഐ സി.ജെ. മാത്യൂ ഉള്പ്പെടെ 12 പൊലീസുകാരാണ് ജനറല് ആശുപത്രിയില് ചികിത്സ തേടിയത്. സ്റ്റേഷനിലെ കാൻറീനിൽ നിന്നും ഉച്ചക്ക് മീൻ കറിയോടെ കഴിച്ച ഭക്ഷണത്തിൽ നിന്നാണ് വിഷബാധയേറ്റതെന്നാണ് കരുതുന്നത്. വൈകീട്ടോടെ ഛർദ്ദിയും തല ചുറ്റലും അസ്വസ്ഥതയും അനുഭവപ്പെടുകയായിരുന്നു. കൂട്ടത്തോടെ ദേഹാസ്വാസ്ഥ്യം അനുഭവപ്പെട്ടതോടെയാണ് ഭക്ഷ്യവിഷബാധയെന്ന് മനസ്സിലായത്. ചികിത്സക്ക് ശേഷം എല്ലാവരും വീട്ടിലെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.