ആമ്പല്ലൂര്: ആന്ധ്രപ്രദേശില് നിന്ന് ഇരുതലമൂരിയെ കടത്തിയ സംഭവത്തില് അറസ്റ്റിലായ മൂന്ന് പേരെ കോടതി റിമാൻഡ് ചെയ്തു. കൊല്ലം പരവൂര് പൂതക്കുളം കനകദാസ് വീട്ടില് സതീശന്പിള്ള (40), കൊട്ടാരക്കര കുളക്കട പൂവട്ടൂര് ആറ്റുപ്പുറത്ത് അശോക് കുമാര് (27), ചാത്തന്നൂര് പാരിപ്പിള്ളി കല്ലുവിള സോമേഷ് (24) എന്നിവരെയാണ് റിമാൻഡ് ചെയ്തത്. ചെന്നൈയില് നിന്ന് കായംകുളത്തേക്ക് എയര് ബസില് പോകുന്നതിനിടെ പാലിയേക്കര ടോള് പ്ലാസക്ക് സമീപം ഫോറസ്റ്റ് ഫ്ലയിങ് സ്ക്വാഡാണ് പ്രതികളെ അറസ്റ്റ് ചെയ്തത്. ആന്ധ്രപ്രദേശിലെ ചിറ്റൂരില് നിന്നും 14 ലക്ഷം രൂപക്ക് വാങ്ങിയ പാമ്പിനെ 60 ലക്ഷത്തിന് മറിച്ചു വില്ക്കാനാണ് കൊണ്ടുവന്നത്. സതീശന്പിള്ള കൊലപാതക കേസിലെ പ്രതിയാണെന്ന് വനപാലകര് പറഞ്ഞു. പ്രതികളെ കൂടുതല് ചോദ്യം ചെയ്യാൻ കസ്റ്റഡിയില് വാങ്ങുമെന്ന് പാലപ്പിള്ളി റേഞ്ച് ഓഫിസര് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.