തൃശൂർ: കേരള കാർഷിക സർവകലാശാല ജനറൽ കൗൺസിൽ യോഗ സ്ഥലത്തേക്ക് വ്യാഴാഴ്ച കെ.എ.യു. എംപ്ലോയീസ് അസോസിയേഷൻ മാർച്ച് നടത്തും. രാവിലെ ഒമ്പതിനാണ് മാർച്ച്. കോൺഫെഡറേഷൻ ഓഫ് യൂനിവേഴ്സിറ്റി എംപ്ലോയീസ് ഓർഗനൈസേഷൻസ് കേരള ജനറൽ സെക്രട്ടറി ഹരിലാൽ ഉദ്ഘാടനം ചെയ്യും. അമ്പലവയൽ പ്രാദേശിക കാർഷിക ഗവേഷണ കേന്ദ്രത്തിൽ കോടിക്കണക്കിന് രൂപയുടെ തിരിമറി നടത്തിയ ഫാം മേധാവിയെ മാറ്റിനിർത്തി അന്വേഷിക്കണമെന്നാണ് ഒരു ആവശ്യം. സാമ്പത്തിക തിരിമറിക്ക് കൂട്ടുനിൽക്കാത്ത ജീവനക്കാരെ ചട്ടം ലംഘിച്ച് സ്ഥലംമാറ്റിയതിൽ പ്രതിഷേധിച്ചും പാലക്കാട് ജില്ലയിലെ ഏക ഗവേഷണ കേന്ദ്രമായ പട്ടാമ്പി നെല്ല് ഗവേഷണ കേന്ദ്രത്തിൽനിന്ന് ജീവനക്കാരുടെ തസ്തികകൾ അന്യായമായി മാറ്റിയ നടപടി റദ്ദാക്കണമെന്നുമാണ് മറ്റാവശ്യങ്ങളെന്ന് അസോസിയേഷൻ സംസ്ഥാന സെക്രേട്ടറിയറ്റ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.