കുന്നംകുളം: നടൻ വി.കെ. ശ്രീരാമൻ മരിച്ചെന്ന് സോഷ്യൽ മീഡിയകളിൽ വ്യാജ പ്രചാരണം നടത്തിയ യുവാവിനെ കുന്നംകുളം പൊലീസ് പിടികൂടി. കോഴിക്കോട് കോവൂർ ആമാട്ട് മീത്തൽ വീട്ടിൽ ബഗീഷിനെയാണ് (30) സി.ഐ കെ.ജി. സുരേഷ് അറസ്റ്റ് ചെയ്തത്. മേയ് അവസാന വാരത്തിലാണ് ശ്രീരാമൻ മരിച്ചുവെന്ന വ്യാജവാർത്ത ഫേസ് ബുക്ക്, വാട്സ് ആപ്പ് എന്നിവയിൽ വ്യാപകമായി പ്രചരിപ്പിക്കപ്പെട്ടത്. പിന്നീട് പൊലീസിൽ നൽകിയ പരാതിയെ തുടർന്ന് കേസെടുത്തു. സൈബർ സെല്ലിെൻറ സഹായത്തോടെയാണ് പ്രതിയെ വലയിലാക്കിയത്. ബംഗളൂരുവിൽ സ്വകാര്യ കമ്പനിയിൽ ഇൻറീരിയർ ഡിസൈനറായ ബഗീഷ് തെൻറ ഫേസ്ബുക്കിലാണ് ഇത് പോസ്റ്റ് ചെയ്തത്. വി.കെ. ശ്രീരാമനുമായി ഒരുബന്ധവും ഇല്ലെന്ന് അറസ്റ്റിലായ പ്രതി വ്യക്തമാക്കി. പൊലീസ് സംഘത്തിൽ അഡീഷനൽ എസ്.ഐ. ഹക്കീം, സീനിയർ സി.പി.ഒ വർഗീസ് എന്നിവരും ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.