പട്ടിക്കാട്: ദേശീയപാത കരാര് കമ്പനി കെ.എം.സിക്ക് കരാര് നീട്ടി നല്കുന്നത് കേന്ദ്രസംസ്ഥാന സര്ക്കാറുകളുടെ ഒത്താശയോടെയാണെന്ന് ഡി.സിസി പ്രസിഡൻറ് ടി.എന്. പ്രതാപന്. കരാര് കമ്പനിക്ക് കലാവധി നീട്ടി നല്കുന്നതില് വന് അഴിമതിയുണ്ടെന്നും സി.ബി.ഐ അന്വേഷണം വേണമെന്നും അദ്ദേഹം ആവശ്യപ്പെട്ടു. ദേശീയപാത കുതിരാനിലെ ഗതാഗതകുരുക്ക് പരിഹരിക്കാന് വേണ്ട നടപടികളെടുക്കാത്ത സി.എന്. ജയദേവന് എം.പിയുടേയും കെ. രാജൻ എം.എൽ.എയുടെയും നിഷ്ക്രിയത്വത്തില് പ്രതിഷേധിച്ച് പാണഞ്ചേരി ബ്ലോക്ക് കോണ്ഗ്രസ് കമ്മിറ്റി നടത്തിയ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. കുതിരാന് അപകടക്കെണിയായിരിക്കുകയാണ്. നിരന്തരം അപകടങ്ങളും ഗതാഗതകുരുക്കും നാടിനെ വീര്പ്പുമുട്ടിക്കുന്നു. അപകടങ്ങളില് ജീവന് അപായവും നിരവധി പേര്ക്ക് പരിക്കേല്ക്കുന്നതും നിത്യസംഭവമായി മാറിയിരിക്കുന്നു. ദേശീയപാത നിർമാണത്തിലെ അപാകതയാണ് ഇതിനെല്ലാം ആധാരം. നിരന്തരം മനുഷ്യാവകാശ ലംഘനം നടത്തുന്ന കരാര് കമ്പനിക്കെതിരെ നടപടിയെടുക്കണമെന്നും പ്രതാപന് ആവശ്യപ്പെട്ടു. സി.എന്. ജയദേവന് എം.പിയുടേയും രാജന് എം.എല്.എയുടേയും കോലം കത്തിച്ചു. ബ്ലോക്ക് പഞ്ചായത്ത് പ്രസിഡൻറ് കെ.സി. അഭിലാഷ് അധ്യക്ഷത വഹിച്ചു. മുന് എം.എല്.എ എം.പി. വിന്സെൻറ് ഭാസ്കരന് ആദംങ്കാവില്, ഷിബു പോള്, മഹിള കോണ്ഗ്രസ് പ്രസിഡൻറ് ലീലാമ്മ തോമസ് എന്നിവർ നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.