തൃശൂർ: ആഴ്ചയിലൊരിക്കൽ മാത്രമുള്ള 19423/19424 തിരുനെൽവേലി-ഗാന്ധിധാം ഹംസഫർ എക്സ്പ്രസ് വ്യാഴാഴ്ച ഗാന്ധിധാമിൽനിന്ന് സർവിസ് ആരംഭിക്കും. തിരുനെൽവേലിയിൽനിന്ന് വ്യാഴാഴ്ചകളിൽ പുറപ്പെടുന്ന ട്രെയിൻ ശനിയാഴ്ച രാവിലെ ഗാന്ധിധാമിലെത്തും. അവിടെനിന്ന് തിങ്കളാഴ്ച പുറപ്പെട്ട് ബുധനാഴ്ച തിരുനെൽവേലിയിൽ തിരിച്ചെത്തും. ട്രെയിനിന് തൃശൂരിൽ സ്റ്റോപ്പില്ല. കേരളത്തിൽ തിരുവനന്തപുരം, എറണാകുളം ജങ്ഷൻ, ഷൊർണൂർ, കോഴിക്കോട് എന്നിവിടങ്ങളിൽ മാത്രമാണ് നിലവിൽ സ്റ്റോപ്പ് അനുവദിച്ചിരിക്കുന്നത്. എന്നാൽ, 2017 നവംബറിൽ പുറത്തിറക്കിയ ട്രെയിൻ സമയവിവര പട്ടികപ്രകാരം കൊല്ലം, കായംകുളം, ആലപ്പുഴ, തൃശൂർ, തിരൂർ, കണ്ണൂർ, കാസർകോട് എന്നിവിടങ്ങളിൽ ഇതിന് സ്റ്റോപ്പ് വേണ്ടതാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.