വടക്കാഞ്ചേരി: . തിങ്കളാഴ്ച വൈകീട്ട് മൂന്നിന് തൃശൂർ -ഷൊർണൂർ സംസ്ഥാന പാതയിലെ പരുത്തിപ്രയിൽ വഴിയാത്രക്കാരനായ തറയിൽ വീട്ടിൽ ഗോപാലകൃഷ്ണനെ(65) സ്വകാര്യ ബസിടിക്കുകയായിരുന്നു. തലക്ക് പരിക്കേറ്റ് ചോരയിൽ കുളിച്ച് കിടക്കുന്ന വയോധികൻ അതുവഴി എത്തിയ വ്യവസായ മന്ത്രി എ.സി. മൊയ്തീെൻറ ശ്രദ്ധ‍യിൽപെട്ടു. കാർ നിർത്തി ഉടൻ വയോധികനെ ഔദ്യോഗിക വാഹനത്തിൽ കയറ്റി ഉദ്യോഗസ്ഥർ വടക്കാഞ്ചേരി ജില്ല ആശുപത്രിയിൽ എത്തിച്ചു. വാഹനം തിരിച്ചെത്തുംവരെ അരമണിക്കൂറോളം ഇവിടെ ഗതാഗതം നിയന്ത്രിക്കാൻ മന്ത്രിയും ഉണ്ടായിരുന്നു. സെൻറ് ജോർജ് ബസാണ് വഴിയാത്രക്കാരനെ ഇടിച്ചത്. ഇയാളെ വിദഗ്ധ ചികിത്സക്കായി ജില്ല ആശുപത്രിയിൽനിന്ന് ഗവ. മെഡിക്കൽ കോളജ് ആശുപത്രിയിലെത്തിച്ചു. ഗുരുതരമല്ലെന്ന് ഡോക്ടർമാർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.