കയ്പമംഗലം: കെ.എസ്.ആർ.ടി.സി ഡ്രൈവറെ മർദിച്ച കേസിൽ രണ്ടുപേരെ മതിലകം പൊലീസ് അറസ്റ്റ് ചെയ്തു. വാടാനപ്പള്ളി ബീച്ച് സ്വദേശികളായ മാളിയേക്കൽ വിൻസെൻറ് (26), തയ്യിൽ രതീഷ് (22) എന്നിവരെയാണ് മതിലകം എസ്.ഐ പി.കെ.മോഹിത്തും സംഘവും അറസ്റ്റ് ചെയ്തത്. ഈ മാസം ആറിനായിരുന്നു കേസിനാസ്പദ സംഭവം. മൂന്നുപീടികയിലെ ഗതാഗത കുരുക്കിനിടെ പ്രതികൾ സഞ്ചരിച്ചിരുന്ന വാഹനത്തിൽ കെ.എസ്.ആർ.ടി.സി ബസ് തട്ടിയെന്നാരോപിച്ച് ഡ്രൈവറെ മർദിക്കുകയായിരുന്നെന്ന് പൊലീസ് പറഞ്ഞു. കൃത്യനിർവഹണം തടസ്സപ്പെടുത്തിയതിനും മർദിച്ചതിനുമാണ് കേസ്. കൊടുങ്ങല്ലൂർ കോടതി പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.