തൃശൂർ: അന്തരീക്ഷ ഊഷ്മാവ് വർധിച്ച സാഹചര്യത്തില് സൂര്യാഘാതം ഏല്ക്കാതിരിക്കാന് എല്ലാവരും ശ്രദ്ധിക്കണമെന്ന് ജില്ല മെഡിക്കല് ഓഫിസര് ഡോ. കെ.സുഹിത. പകൽ 11 മുതല് മൂന്ന് വരെ നേരിട്ട് വെയില് കൊള്ളുന്നത് കഴിയുന്നതും ഒഴിവാക്കണം. പുറത്ത് പോകുന്നവർ കുട ഉപയോഗിക്കണം. ധാരാളം വെള്ളം കുടിക്കുക. ഫലങ്ങളും സാലഡും കഴിക്കുന്നതും ഗുണം ചെയ്യും. ക്ഷീണം, തലകറക്കം, രക്തസമ്മർദം താഴുക, തലവേദന, പേശീവേദന, അസാധാരണമായ വിയര്പ്പ്, കഠിനമായ ദാഹം, മൂത്രത്തിെൻറ അളവ് തീരെകുറയുകയും, കടും മഞ്ഞനിറത്തില് ആവുകയും ചെയ്യുക, ദേഹത്ത് പൊള്ളലേറ്റപോലെ പാടുകള് കാണപ്പെടുക, ബോധക്ഷയം മുതലായവയാണ് സൂര്യാഘാതം ഏല്ക്കുന്നതിെൻറ ലക്ഷണങ്ങള്. സൂര്യാഘാതമേറ്റവര്ക്ക് കൃത്യമായി പരിചരണം ലഭിച്ചില്ലെങ്കില് ഗുരുതര ആരോഗ്യപ്രശ്നങ്ങളുണ്ടാകുന്നതാണ്. തലച്ചോറ്, ഹൃദയം, ശ്വാസകോശം, കരള്, വൃക്കകള് എന്നിവയെ ബാധിച്ച് മരണത്തിനുപോലും കാരണമാകാം. സൂര്യാഘാതമേറ്റതായി സംശയം തോന്നിയാല് തണലത്തോ, എ.സിയിലോ വിശ്രമിക്കുകയും വസ്ത്രം നീക്കി ശരീരത്തെ തണുപ്പിക്കുകയും ചെയ്യണം. ധാരാളം വെള്ളം കുടിക്കുക. ഇവകൊണ്ട് ആരോഗ്യസ്ഥിതി മെച്ചപ്പെടുന്നില്ലെങ്കില് ഡോക്ടറെ കാണിക്കണമെന്നും ഡി.എം.ഒ അറിയിച്ചു. മുതിര്ന്ന പൗരന്മാര്, കുഞ്ഞുങ്ങള്, മറ്റ് ദീര്ഘകാല രോഗങ്ങളുള്ളവര്, ദീര്ഘനേരം വെയില് കൊള്ളുന്ന ജോലി ചെയ്യുന്നവര് എന്നിവര്ക്കാണ് സൂര്യാഘാതം എല്ക്കാന് കൂടുതല് സാധ്യത.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.