അഷ്ടമിച്ചിറ: മാള ഗവ. കൊമേഴ്സ്യൽ ഇൻസ്റ്റിറ്റ്യൂട്ടിൽ നവീകരിച്ച കമ്പ്യൂട്ടർ ലാബ് വി.ആർ. സുനിൽകുമാർ എം.എൽ.എ ഉദ്ഘാടനം ചെയ്തു. എം.എൽ.എ ഫണ്ടിൽനിന്ന് അനുവദിച്ച ആറ് ലക്ഷം രൂപയും ജില്ല പഞ്ചായത്ത് ഫണ്ടും ഉപയോഗിച്ചാണ് ലാബ് നവീകരിച്ചത്. ജില്ല പഞ്ചായത്ത് വിദ്യാഭ്യാസ സ്ഥിരംസമിതി അധ്യക്ഷ മഞ്ജുള അരുണൻ അധ്യക്ഷത വഹിച്ചു. ജില്ല പഞ്ചായത്ത് അംഗം കെ.ആർ. സുമേഷ്, പഞ്ചായത്ത് അംഗങ്ങളായ പി.കെ. മോഹനൻ, പി.എസ്. ശ്രീജിത്ത്, കെ.സി. ത്യാഗരാജൻ, പ്രിൻസിപ്പൽ എ.എ. താഹിറ, പി.ടി.എ പ്രസിഡൻറ് അജോ ജോൺസൻ എന്നിവർ സംസാരിച്ചു. നിവേദനം നൽകി മാള: അബ്്ദുന്നാസിർ മഅ്ദനിയുടെ ജീവൻ രക്ഷിക്കാൻ അടിയന്തര ഇടപെടൽ ആവശ്യപ്പെട്ട് കൊടുങ്ങല്ലൂർ എം.എൽ.എ വി.ആർ. സുനിൽകുമാറിന് പി.ഡി.പി കൊടുങ്ങല്ലൂർ നിയോജക മണ്ഡലം കമ്മിറ്റി നിവേദനം നൽകി. കടലായി സലീം മൗലവി, അയ്യൂബ് അറക്കൽ രാജ, ടി.എ. ബഷീർ മൗലവി എന്നിവരാണ് നിവേദനം നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.