തൃശൂർ: ശ്രീകേരളവർമ്മ കോളജിന് സമീപം തൃക്കുമാരകുടത്ത് തരിശിട്ട ഭൂമിയിൽ സി.പി.എം സംസ്ഥാന സമ്മേളനത്തോടനുബന്ധിച്ച് ഇറക്കിയ പച്ചക്കറി കൃഷി വിളവെടുത്തു. സി.പി.എം കേന്ദ്ര കമ്മിറ്റി അംഗം ഇ.പി. ജയരാജന് ഉദ്ഘാടനം ചെയ്തു. ഈ ജൈവ പച്ചക്കറിയാണ് സമ്മേളന പ്രതിനിധികൾക്ക് ഭക്ഷണം പാകം ചെയ്യാന് ഉപയോഗിക്കുന്നത്. മത്തങ്ങ, വെണ്ടയ്ക്ക, കുമ്പളങ്ങ, വഴുതന, തക്കാളി തുടങ്ങി കറിക്ക് വേണ്ട എല്ലാ പച്ചക്കറികളും തൃക്കുമാരകുടത്ത് വിളഞ്ഞിട്ടുണ്ട്. ഓരോ ദിവസത്തേക്കും ആവശ്യമായ പച്ചക്കറികള് അന്നന്ന് വിളവെടുത്ത് സമ്മേളന നഗരിയിലേക്ക് എത്തിക്കാനാണ് തീരുമാനം. ഒല്ലൂരിന് സമീപം തരിശിട്ട സ്ഥലത്തെ നെൽകൃഷി ആഴ്ചകൾക്ക് മുമ്പ് വിളവെടുത്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.