കയ്പമംഗലം: എടതിരിഞ്ഞി പൂയത്തോടനുബന്ധിച്ച് മൂന്നുപേര്ക്ക് വെട്ടേറ്റ സംഭവത്തില് കണ്ടാലറിയുന്ന അഞ്ചുപേര്ക്കെതിരെ കാട്ടൂര് പൊലീസ് വധശ്രമത്തിന് കേസെടുത്തു. കക്കാത്തുരുത്തിയിൽ സുഹൃത്തിെൻറ വീട്ടിൽ പോയി വരികയായിരുന്ന മൂന്ന് പേർക്കാണ് തിങ്കളാഴ്ച വെട്ടേറ്റത്. പരിക്കേറ്റ പെരിഞ്ഞനം സ്വദേശി പച്ചാമ്പുള്ളി സുകുമാരെൻറ മകൻ വിനീത് (21), കയ്പമംഗലം വഴിയമ്പലം സ്വദേശി കനകംവീട്ടിൽ അസ്മിത്ത് (അമ്പാടി -22), പെരിഞ്ഞനം സ്വദേശി ദിനദേവ് (22) എന്നിവർ കൊടുങ്ങല്ലൂർ താലൂക്ക് ആശുപത്രിയിൽ ചികിത്സയിലാണ്. കക്കാത്തുരുത്തി പാലത്തിന് കിഴക്ക് വളവിലാണ് സംഭവം. ബൈക്കിൽ വരികയായിരുന്ന ഇവരെ ഒരു സംഘം തടഞ്ഞുനിർത്തി വെട്ടുകയായിരുന്നു. കഴിഞ്ഞ ദിവസം ഇവരുമായി നടന്ന വാക്കുതർക്കമാണ് തിങ്കളാഴ്ച ആക്രമണത്തിൽ കലാശിച്ചത്. പൂയം നടക്കുന്ന സ്ഥലത്ത് സംഘര്ഷാവസ്ഥ നിലനില്ക്കുന്നതിനാല് ശക്തമായ പൊലീസ് സുരക്ഷ ഏര്പ്പെടുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.