തൃശൂർ: കോർപറേഷൻ ഭരണ സമിതിയുടെ ജനാധിപത്യവിരുദ്ധ നടപടികൾക്കെതിരെ കോൺഗ്രസ് നടത്തുന്ന സമരത്തിെൻറ ഭാഗമായി കൗൺസിൽ ഹാളിൽ 'രാപ്പകൽ കുത്തിയിരുപ്പ് സമരം' നടത്തുമെന്ന് പ്രതിപക്ഷ കക്ഷി നേതാവ് എം.കെ. മുകുന്ദൻ പറഞ്ഞു. തികഞ്ഞ ഏകാധിപത്യ രീതിയിലാണ് കോർപറേഷനിൽ സി.പി.എം ഭരണം നടത്തുന്നത്. ഭൂരിപക്ഷം വരുന്ന പ്രതിപക്ഷവുമായി ഒരു ആലോചനയും നടത്താറില്ല. സ്റ്റിയറിങ് കമ്മിറ്റിയെയോ, സ്റ്റാൻഡിങ് കമ്മിറ്റികളെയോ, കൗൺസിലിനെയോ ഗൗരവമായി എടുക്കുന്നില്ല. സമരം ചെയ്തിട്ടും ചർച്ച ചെയ്യാൻ പോലും തയ്യാറാക്കാതെ മേയറുടെ നടപടി ധിക്കാരപരമാണ്. തീരുമാനങ്ങൾ കൗൺസിലിൽ പ്രഖ്യാപിക്കുക, ജനാധിപത്യവിരുദ്ധ നടപടികൾ തിരുത്തുക, ഗുണ്ടയായ താൽക്കാലിക ജീവനക്കാരനെ പുറത്താക്കുക, കള്ള കേസുകൾ പിൻവലിക്കുക എന്നീ ആവശ്യങ്ങൾ നടപ്പാക്കും വരെ സമരം തുടരുമെന്ന് എം.കെ. മുകുന്ദനും, ജോൺ ഡാനിയലും അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.