എരുമപ്പെട്ടി: അർധരാത്രിയിൽ വീടുകയറി ആക്രമിക്കുകയും ജീപ്പ് തകർക്കുകയും ചെയ്ത സംഭവത്തിൽ നാല് ബി.ജെ.പി പ്രവർത്തകരെ പൊലീസ് അറസ്റ്റ് ചെയ്തു. നെല്ലുവായ് മുരിങ്ങത്തേരി സ്വദേശികളായ കാങ്കലാത്ത് വിഷ്ണു (23), മുരിങ്ങത്തേരി സനീഷ്(23), കണ്ണമ്പ്ര ഗോഗുൽ (20), മുരിങ്ങത്തേരി വിമൽ (26) എന്നിവരെയാണ് എരുമപ്പെട്ടി പൊലീസ് അറസ്റ്റ് ചെയ്തത്. ശനിയാഴ്ച രാത്രിയിലാണ് സംഭവം. മുരിങ്ങത്തേരി കുണ്ടുപറമ്പിൽ വീട്ടിൽ അഷറഫിെൻറ വീടാണ് ആക്രമിച്ചത്. ബി.ജെ.പി പ്രവർത്തകർ സംഘം ചേർന്ന് ആക്രമിക്കുകയും കൊല്ലുമെന്ന് ഭീഷണിപ്പെടുത്തുകയും വീട്ടിൽ നിർത്തിയിട്ടിരുന്ന ജീപ്പ് തല്ലിത്തകർക്കുകയും ചെയ്തെന്നാണ് പരാതി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.