വടക്കാഞ്ചേരി: വാഴാനി ഡാമിലേക്കുള്ള നീരൊഴുക്ക് വർധിച്ചതിനെ തുടർന്ന് ഷട്ടറുകൾ രണ്ട് സെൻറീമീറ്റർ കൂടി ഉയർത്തി. 62.48 മീറ്റർ സംഭരണ ശേഷിയുള്ള ഡാമിൽ 61.95 മീറ്റർ ജലനിരപ്പായതിനെത്തുടർന്ന് കഴിഞ്ഞ ബുധനാഴ്ച പകൽ ഡാമിെൻറ നാല് ഷട്ടറുകളും രണ്ട് സെൻറീമീറ്റർ വീതം ഉയർത്തിയിരുന്നു. കഴിഞ്ഞ ദിവസങ്ങളിൽ പെയ്ത മഴയിൽ റിസർവോയറിലേക്കുള്ള നീരൊഴുക്ക് ശക്തമായതിനെ തുടർന്നാണ് ശനിയാഴ്ച വൈകീട്ട് നാലിന് ഷട്ടറുകൾ വീണ്ടും ഉയർത്തിയത്. നിലവിൽ 62.18 മീറ്ററാണ് ഡാമിലെ ജലനിരപ്പ്. നാല് ഷട്ടറുകളും നാല് സെൻറീമീറ്റർ വീതം ഉയർത്തിയിട്ടുണ്ട്. ഓരോ മണിക്കൂറിലും ഇറിഗേഷൻ ഉദ്യോഗസ്ഥർ ജലനിരപ്പ് പരിശോധിക്കുന്നുണ്ട്. ഡാമിൽനിന്ന് വെള്ളം തുറന്ന് വിടുന്ന വടക്കാഞ്ചേരി പുഴയിലെ കൈയേറ്റങ്ങളെല്ലാം നീക്കിയതിനെ തുടർന്ന് പുഴയിൽ അധികജലം വന്നിട്ടും ടൗണിൽ വെള്ളക്കെട്ട് അടക്കമുള്ള പ്രശ്നങ്ങൾ ഉണ്ടായിട്ടില്ല. ഡാമിെൻറ ഷട്ടറുകൾ കൂടുതൽ ഉയർത്തിയതോടെ നിരവധി പേരാണ് ഡാം സന്ദർശിക്കാനെത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.