വടക്കാഞ്ചേരി: നിറയെ യാത്രക്കാരുമായി ഓടുന്നതിനിടെ സ്വകാര്യ ബസിെൻറ പിൻചക്രങ്ങൾ ഉൗരിത്തെറിച്ചു. കുന്നംകുളം -വടക്കാഞ്ചേരി സംസ്ഥാനപാതയിൽ കുമരനെല്ലൂർ ഒന്നാംകല്ലിൽ ശനിയാഴ്ച ഉച്ചക്ക് 12.30നാണ് സംഭവം. കുന്നംകുളത്തുനിന്ന് തിരുവില്വാമലയിലേക്ക് പോകുന്ന ജോഷിമോൻ ബസാണ് അപകടത്തിൽപെട്ടത്. ഏതാനും പേർക്ക് നിസ്സാര പരിക്കേറ്റെങ്കിലും വൻ ദുരന്തമാണ് ഒഴിവായത്. ബസിെൻറ ആക്സിൽ മുറിഞ്ഞ് പിറകുവശം തകർന്നു. ചക്രങ്ങളില്ലാതെ ഏതാനും മീറ്റർ നിരങ്ങിനീങ്ങിയതിനെ തുടർന്ന് ബസിെൻറ പ്ലാറ്റ്ഫോമും ഫുട്ബോർഡും പൂർണമായി തകർന്നു. പിറക് വശത്തെ ബോഡി ഇളകി മാറി. ബസ് ഒന്നാംകല്ല് റേഷൻകട സ്റ്റോപ്പിൽ നിർത്തി യാത്രക്കാരെ കയറ്റിയ ഉടനായിരുന്നു അപകടം. കഴിഞ്ഞ ആഴ്ച ഈ പ്രദേശത്ത് ഇതേ കമ്പനിയുടെ മറ്റൊരു ബസ് വ്യാപാര സ്ഥാപനങ്ങളിലേക്ക് ഓടിക്കയറി 37 യാത്രക്കാർക്ക് പരിക്കേറ്റിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.