ഷൊർണൂർ: ഭാരതപ്പുഴക്ക് മുകളിലൂടെ കടന്നുപോകുകയായിരുന്ന ട്രെയിനിൽനിന്ന് വീണ് യുവാവിന് സാരമായി പരിക്കേറ്റു. വാടാനപ്പള്ളി തളിക്കുളം പള്ളത്ത് തൊട്ടേക്കാട്ട് വീട്ടിൽ അബ്ദുന്നാസറിെൻറ മകൻ അനസിനാണ് (28) പരിക്കേറ്റത്. വ്യാഴാഴ്ച ഉച്ചക്ക് രണ്ടരയോടെയാണ് സംഭവം. മംഗലാപുരത്തുനിന്ന് നാഗർകോവിലിലേക്ക് പോകുന്ന ഏറനാട് എക്സ്പ്രസിൽ നിന്നാണ് വീണത്. പുഴയിൽ വീണ സ്ഥലത്ത് ചെറിയ തോതിൽ വെള്ളമുണ്ടായിരുന്നു. കാലുകൾക്കാണ് പരിക്ക്. രണ്ടാമത്തെ റെയിൽ പാലത്തിലൂടെ കടന്നുപോയ വേണാട് എക്സ്പ്രസിലെ യാത്രക്കാരാണ് അപകടവിവരം റെയിൽവേ പൊലീസിനെ അറിയിച്ചത്. യുവാവിനെ തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.