മാള: കരിങ്ങോൾചിറ പാലം നിർമാണത്തിന് അപ്രോച്ച് റോഡിന് വേണ്ട സ്ഥലം മുൻകൂറായി ഏറ്റെടുത്ത് വസ്തുവിൽ പണി നടത്തുന്നതിന് വഖഫ് ബോർഡ് പൊതുമരാമത്ത് വകുപ്പിന് അനുമതി നൽകി. പൊതുമരാമത്ത് വകുപ്പിന് റോഡ് നിർമിക്കാനായി സമീപത്തെ പള്ളിയുടെ വഖഫ് ഭൂമി ഏറ്റെടുക്കേണ്ടിയിരുന്നു. വഖഫ് അനുമതിപത്രം കരിങ്ങോൾച്ചിറ ജനകീയ കൂട്ടായ്മ പ്രസിഡൻറ് സാലി സജീർ പൊതുമരാമത്ത് വകുപ്പ് എക്സി. എൻജിനീയർ സുജക്ക് കൈമാറി. വി.ആർ സുനിൽ കുമാർ എം.എൽ.എ ഉദ്ഘാടനം ചെയ്തു. പുത്തൻചിറ പഞ്ചായത്ത് പ്രസിഡൻറ് വി.എ. നദീർ അധ്യക്ഷത വഹിച്ചു. യു.കെ. വേലായുധൻ, പുത്തൻചിറ പഞ്ചായത്ത് വൈസ് പ്രസിഡൻറ് ബീന സുധാകരൻ, സ്ഥിരം സമിതി അധ്യക്ഷന്മാരായ പി. ഐ.നിസാർ, രാജേഷ്, റോമി ബേബി, വാർഡ് അംഗങ്ങളായ എം.പി.സോണി, കെ.വി.സുജിത്ത് ലാൽ, മനോജ്, മഹേഷ്, കൂട്ടായ്മ ഭാരവാഹികൾ തുടങ്ങിയവർ സംസാരിച്ചു. സ്ഥലം ഏറ്റെടുക്കുന്നതിലുള്ള അപാകതയാണ് പാലത്തിെൻറ നിർമാണ പൂർത്തീകരണത്തിന് തടസ്സമായത്. സ്ഥലം നിരുപാധികം വിട്ടുകൊടുക്കാൻ തയാറാണെന്ന് കമ്മിറ്റി പൊതുമരാമത്ത് വകുപ്പിനെ അറിയിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.