വാടാനപ്പള്ളി: നിരോധനം വകവെക്കാതെ മൊത്ത വിതരണ കേന്ദ്രത്തിൽ വിൽപനക്കുവെച്ച 64 പാക്കറ്റ് പ്ലാസ്റ്റിക് കവറുകൾ ആരോഗ്യ വകുപ്പും പഞ്ചായത്തും ചേർന്ന് പിടികൂടി. 2017 ജനുവരി ഒന്നു മുതലാണ് 40 മൈക്രോണിൽ താഴെയുള്ള പ്ലാസ്റ്റിക് കവറുകൾ വാടാനപ്പള്ളി പഞ്ചായത്തിൽ നിരോധിച്ചത്. എന്നിട്ടും ചില മൊത്തക്കച്ചവടക്കാർ കവറുകൾ വിൽപനക്ക് വെക്കുകയായിരുന്നു. കടകൾ കയറിയിറങ്ങിയുള്ള പരിശോധനയിലാണ് പ്ലാസ്റ്റിക് കവറുകൾ പിടികൂടിയത്. ഹെൽത്ത് ഇൻസ്പെക്ടർ കെ. ഗോപകുമാർ, ബിനോയ്, ആരോഗ്യ സ്റ്റാൻഡിങ് കമ്മിറ്റി ചെയർമാൻ െഎ.എൻ. സുധീഷ്, ജൂനിയർ സൂപ്രണ്ട് ഗിരീഷ് ചന്ദ്രൻ, സന്തോഷ് എന്നിവർ പരിശോധനക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.