കൊടുങ്ങല്ലൂര്: മത്തേലയില് പൊലീസ് നടത്തിയ കുബേര റെയ്ഡില് ഒമ്പത് ബൈക്കുകളും, ഓട്ടോടാക്സിയും പിടിച്ചെടുത്തു. മത്തേല കടുക്കചുവടില് സിജില് എന്നയാളുടെ വീട്ടിലായിരുന്നു ഞായറായ്ച പകല് പൊലീസ് സംഘം റെയ്ഡ് നടത്തിയത്. ഇയാള് അനധികൃതമായി ലൈസന്സില്ലാതെ പലിശക്ക് പണം കൊടുക്കുന്നതായ വിവരത്തിന്െറ അടിസ്ഥാനത്തിലാണ് റെയ്ഡ് നടത്തിയതെന്ന് പൊലീസ് പറഞ്ഞു. പലിശക്ക് നല്കുന്ന പണത്തിന് ഈടായി പ്രധാനമായും വാഹനങ്ങളാണ് വാങ്ങിയിരുന്നത്. ഇങ്ങനെ വീട്ടില് വാങ്ങിവെച്ച ബൈക്കുകളാണ് പൊലീസ് കസ്റ്റഡിയിലെടുത്തത്. പ്രതിയെ പിടികൂടാനായിട്ടില്ല. കൊടുങ്ങല്ലൂര് എസ്.ഐ ഇ.ആര്. ബൈജു, അഡീഷനല് എസ്.ഐ മുകുന്ദന്, എ.എസ്.ഐ സജില്, എസ്.സി.പി.ഒ ഉണ്ണി, സി.പി.ഒമാരായ അനൂപ്, ജിതിന്, ജെയിംസ് എന്നിവരാണ് റെയ്ഡ് നടത്തിയ സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.