പരിയാരം: വര്ഷങ്ങളായി വിവാദം മാത്രം സൃഷ്ടിക്കപ്പെട്ട കാഞ്ഞിരപ്പിള്ളിയിലെ മീറ്റ് പ്രോഡക്ട്സ് ഓഫ് ഇന്ത്യയുടെ സ്ഥലം പാട്ടത്തിനെടുത്ത് നെല്ലും പച്ചക്കറിയും വിളയിക്കാനൊരുങ്ങുകയാണ് പരിയാരത്തെ കുടുംബശ്രീ വനിതകള്. കൂര്ക്ക, പയര്, ചീര, മധുരക്കിഴങ്ങ്, കുമ്പളം, മത്ത, മുളക്, അമരപ്പയര്, ചേന, വാഴ തുടങ്ങിയവക്കൊപ്പം കരനെല്കൃഷിയും നടക്കുന്നു. ചാലക്കുടി പുഴയോരത്ത് കാടുപിടിച്ച സ്ഥലം ശ്രമപ്പെട്ട് വെട്ടിത്തെളിച്ചാണ് പച്ചക്കറി കൃഷി. ബി.ഡി. ദേവസി എം.എല്.എയാണ് കൃഷി ഉദ്ഘാടനം ചെയ്തത്. പരിയാരം പഞ്ചായത്തിലെ ഒമ്പത്, 10, 13 വാര്ഡുകളിലെ കുളിര്മ, സാന്ത്വനം, പൊലിമ, തളിര് എന്നിങ്ങനെ നാല് ലേബര് ഗ്രൂപ്പുകളുടെ ചുമതലയിലാണ് കൃഷി. ആനി വര്ഗീസ്, സുനിത ബാലകൃഷ്ണന്, അയിഷ കൃഷ്ണന്, ഇന്ദിര രാമകൃഷ്ണന്, കൗസല്യ ഭാസ്കരന് എന്നിവരാണ് സംഘങ്ങളെ നയിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.