തൃശൂര്: വൃത്തിയില്ലാത്ത സ്റ്റേഷനുകളുടെ പട്ടികയില്പെട്ട തൃശൂര് റെയില്വേ സ്റ്റേഷനില് യാത്രക്കാര്ക്ക് ഭീഷണിയായി സ്ത്രീ ഭിക്ഷാടകര്. സ്റ്റേഷനിലും പരിസരത്തും തമ്പടിക്കുന്ന മദ്യപരായ സ്ത്രീഭിക്ഷാടകര് പണം ചോദിച്ച് യാത്രക്കാരെ ശല്യപ്പെടുത്തുകയാണ്. രണ്ടാമത്തെ പ്ളാറ്റ്ഫോമില് മദ്യപിച്ച് കിടന്നുറങ്ങുന്നവരുടെ എണ്ണം വര്ധിച്ചു. രാത്രി ഇവര് യാത്രക്കാരുടെ ബാഗുകള് തട്ടിപ്പറിക്കുമെന്ന അവസ്ഥയാണ്. പ്ളാറ്റ്ഫോമുകളില് പൊലീസ് സാന്നിധ്യമുണ്ടെങ്കിലും മദ്യപിച്ച് പ്ളാറ്റ് ഫോമില് കിടക്കുന്ന ഭിക്ഷാടകരെ പുറത്താക്കാറില്ല. യാത്രക്കാര് ഏറ്റവും കൂടുതല് നില്ക്കുന്ന ഒന്നാം പ്ളാറ്റ്ഫോമിലും രണ്ടാം പ്ളാറ്റ്ഫോമിലും ഇവര് വരാറില്ല. അധികം തിരക്കില്ലാത്ത സമയങ്ങളിലാണ് ഇവര് ഭീഷണിയാകുന്നത്. പ്ളാറ്റ്ഫോമില് തനിച്ച് നില്ക്കാന് പെണ്കുട്ടികള്ക്ക് പേടിയാണ്. മുമ്പ് പൊലീസ് ഇത്തരക്കാരെ ഒഴിവാക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.