തൃപ്രയാര്: ഇടുക്കി മൂലമറ്റത്ത് നടന്ന കേരള സ്റ്റേറ്റ് യൂത്ത് വോളിബാള് മത്സരത്തില് പുരുഷ, വനിതാ വിഭാഗങ്ങളില് തൃശൂര് ജില്ല കിരീടം നേടി. ടി.എസ്.ജി.എ സ്റ്റേഡിയത്തിലെ കേരള സ്റ്റേറ്റ് എലൈറ്റ് വോളിബാള് അക്കാദമിയില് പരിശീലനം നടത്തുന്നവരാണ് ജില്ലക്ക് വേണ്ടി കപ്പ് സ്വന്തമാക്കിയത്. വനിതാ വിഭാഗത്തില് ഒന്നിനെതിരെ മൂന്ന് സെറ്റുകള്ക്ക് വയനാടിനെയാണ് തൃശൂര് പരാജയപ്പെടുത്തിയത്. 25-19, 27-25, 25-13, 25-21 എന്നിവയാണ് സ്കോര് നില. പുരുഷവിഭാഗം അഞ്ച് സെറ്റ് പോരാട്ടത്തില് തൃശൂര് കൊല്ലത്തെ പരാജയപ്പെടുത്തി. 21-25, 25-22, 25-22, 29-27, 16-6 എന്നിവയാണ് സ്കോര് നില. കേരള സ്റ്റേറ്റ് സ്പോര്ട്സ് കൗണ്സില് പരിശീലകന് ടി. വിജിത്ത്ലാലാണ് തൃശൂര് ടീം പരിശീലകന്. ടി.എസ്.ജി.എ എലൈറ്റ് അക്കാദമിയില് എസ്.ടി. ഹരിലാലാണ് ചീഫ് കോച്ച്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.