തൃശൂര്: സംസ്ഥാന പുരുഷ-വനിത, ജൂനിയര് ഇന്റര് ക്ളബ്, മാസ്റ്റേഴ്സ് പവര് ലിഫ്റ്റിങ് ചാമ്പ്യന്ഷിപ് വെള്ളിയാഴ്ച മുതല് 11 വരെ തൃശൂരില് നടക്കും. തോപ്പ് സെന്റ് തോമസ് ഇന്ഡോര് സ്റ്റേഡിയത്തില് നടക്കുന്ന ചാമ്പ്യന്ഷിപ്പില് 300ലധികം താരങ്ങള് പങ്കെടുക്കും. തൃശൂര് ജില്ലാ പവര്ലിഫ്റ്റിങ് അസോസിയേഷനാണ് ആതിഥ്യം വഹിക്കുന്നത്. ശനിയാഴ്ച 10ന് മേയര് അജിത ജയരാജന് ഉദ്ഘാടനം ചെയ്യും. 11ന് വൈകുന്നേരം സമാപന സമ്മേളനത്തില് മന്ത്രി എ.സി. മൊയ്തീന് സമ്മാനങ്ങള് വിതരണം ചെയ്യും. ജനുവരി 11 മുതല് കോയമ്പത്തൂരില് നടക്കുന്ന ദേശീയ ജൂനിയര് പവര്ലിഫ്റ്റിങ് ചാമ്പ്യന്ഷിപ്പിനുള്ള കേരള ടീമിനെയും കര്ണാടകയില് നടക്കുന്ന സൗത് ഇന്ത്യ മത്സരത്തിനുള്ള ടീമിനെയും തെരഞ്ഞെടുക്കുമെന്ന് സംഘാടക സമിതി ഭാരവാഹികളായ ബിന്നി ഇമ്മട്ടി, ആര്. ഡെല്റ്റോ എല്. മാറോക്കി, വി.എന്. കൃഷ്ണന്, ടി.കെ. ഷെല്ലി, പി.ജെ. ഷോബി എന്നിവര് വാര്ത്താസമ്മേളനത്തില് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.