ചാവക്കാട്: നാട്ടുകാരുടെ കണ്ണില് പൊടിയിട്ട്, ഉപായംകൊണ്ട് തകര്ന്ന റോഡ് നികത്തിയ അധികൃതരുടെ ശ്രമം വിഫലമായി. വീണ്ടും പ്രത്യക്ഷപ്പെട്ട കുഴികള് യാത്രക്കാരുടെ നടുവൊടിക്കുകയാണ്. ചാവക്കാട് ട്രാഫിക് ഐലന്ഡിന് തൊട്ടടുത്താണ് റോഡ് തകര്ന്ന് വലിയ കുഴികള് വീണ്ടും പ്രത്യക്ഷപ്പെട്ടത്. നേരത്തേ കുഴികള് നികത്താതിരുന്നതിനെതിരെ വാര്ത്ത വന്നതിനെ തുടര്ന്ന് നാളുകള്ക്കുശേഷം പി.ഡബ്ള്യു.ഡി അധികൃതര് നികത്തിയ ഭാഗമാണ് വീണ്ടും പൊട്ടിപ്പൊളിഞ്ഞ് ചെറുവാഹനങ്ങള്ക്ക് യാത്ര ദുഷ്കരമായത്. റോഡിലെ കുഴികള് അധികൃതര് നികത്താത്തതിനാല് നാട്ടുകാര് പ്രതിഷേധിച്ച് ചപ്പുചവറുകളും മറ്റും കൊണ്ടിട്ടിരുന്നു. മഴപെയ്താല് വലിയ കുഴികള് മുഴുവന് കുളമാകുന്നതോടെ അപകടാവസ്ഥ കൂടുകയാണ്. കോഴിക്കോട്, പൊന്നാനി, കുന്നംകുളം ഭാഗത്തുനിന്ന് എറണാകുളം ഭാഗത്തേക്കും തൃശൂര്, ഗുരുവായൂര് ഭാഗത്തേക്കും തിരിച്ചും സഞ്ചരിക്കുന്നവര്ക്കാണ് ഈ കുഴികള് അപകടഭീഷണിയാകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.