ആമ്പല്ലൂര്: യാത്രക്കാരനെ മര്ദിച്ച് ആഭരണങ്ങള് കവര്ന്ന ഓട്ടോറിക്ഷ ഡ്രൈവര് അറസ്റ്റില്. പൊറത്തുശേരി മുതിരപ്പറമ്പില് വീട്ടില് പ്രജീഷാണ് (22) അറസ്റ്റിലായത്. ബുധനാഴ്ച രാത്രി 10 ഓടെയാണ് സംഭവം. നാഗസ്വര കലാകാരന് ആനന്ദപുരം നെട്ടിശേരി വീട്ടില് ബാബുവിനെയാണ് മര്ദിച്ച് ആഭരണങ്ങള് കവര്ന്നത്. ഇരിങ്ങാലക്കുടയില് നിന്ന് ആനന്ദപുരത്തേക്ക് ഓട്ടം വിളിച്ച ബാബു ഓട്ടോയില് ഇരുന്ന് ഉറങ്ങി. പ്രജീഷ് ഓട്ടോറിക്ഷ പാലിയേക്കരയിലെ ആളൊഴിഞ്ഞ സ്ഥലത്ത് കൊണ്ടുപോയി ബാബുവിനെ മര്ദിച്ച് മാലയും മോതിരങ്ങളും മൊബൈലും കവരുകയായിരുന്നുവെന്ന് പൊലീസ് പറഞ്ഞു. മൂന്നര പവന് വരുന്നതാണ് ആഭരണങ്ങള്. ബാബുവിന്െറ പരാതിയെ തുടര്ന്ന് ഇരിങ്ങാലക്കുടയില് നിന്ന് പുതുക്കാട് പൊലീസ് പ്രജീഷിനെ അറസ്റ്റ് ചെയ്തു. ഇന്ന് കോടതിയില് ഹാജരാക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.