മാള: അധികൃതരുടെ നിസ്സംഗത തുടര്ന്നാല് വൈന്തോട് പാലം ദുരന്തരമുഖം തുറക്കും- നാട്ടുകാര് മുന്നറിയിപ്പ് നല്കുന്നു. മാള കോട്ടമുറിയില്നിന്ന് കൊടവത്തുകുന്ന് കോട്ടവാതില് അമ്പഴക്കാട് ഭാഗങ്ങളിലേക്കുള്ള പി.ഡബ്ള്യു.ഡി റോഡിലാണ് തകര്ച്ചാ ഭീഷണിയിലുള്ള വൈന്തോട് പാലം. നൂറ്റാണ്ട് പഴക്കമുള്ള പാലത്തിന്െറ അടിയില് കോണ്ക്രീറ്റ് അടര്ന്ന് ദ്രവിച്ച കമ്പികള് പുറത്തുവന്നു. കൈവരികളും തകര്ന്നു. ചാലക്കുടിയിലേക്ക് സര്വിസ് നടത്തുന്ന രണ്ട് ബസുകള് യാത്രക്കാരെയും കുത്തിനിറച്ച് ഈ പാലം വഴിയാണ് പോകുന്നത്. പാലം അല്പം താഴേക്ക് ഇരുന്നതായി ഇതുവഴിയാത്ര ചെയ്യുന്നവര് പറയുന്നു. പാലം പുനര്നിര്മിക്കണമെന്നാവശ്യപ്പെട്ട് നാട്ടുകാര് സമരം നടത്തിയിരുന്നു. ഭാരവാഹനങ്ങള് ഭാരം ഇറക്കി പോകണമെന്ന ബോര്ഡ് വെച്ചത് മാത്രമാണ് അധികൃതര് സ്വീകരിച്ച നടപടി. വര്ഷത്തോളം ഭാരവാഹികള് കടന്നുപോയില്ളെങ്കിലും പിന്നീട് ഇത് പാലിക്കാതായി. പാലത്തിന് സമീപം രണ്ട് കുടുംബങ്ങള് താമസിക്കുന്നുണ്ട്. ഇവര് ഭീതിയിലാണ്. പാലം ഉടന് പുനര്നിര്മിക്കണമെന്ന് നാട്ടുകാര് ആവശ്യപ്പെട്ടു. മാള പഞ്ചായത്തിലെ എട്ട്, 17 വാര്ഡുകളുടെ അതിര്ത്തിയാണ് പാലം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.