ചാവക്കാട്: പുത്തന്കടപ്പുറത്ത് സി.പി.എം കോണ്ഗ്രസ് പ്രവര്ത്തകര് ഏറ്റുമുട്ടി. സംഘര്ഷത്തില് രണ്ടുപേര്ക്ക് പരിക്ക്. തിരുവത്ര പുത്തന്കടപ്പുറം സ്വദേശികളായ ഏറച്ചംവീട്ടില് ഷാക്കിര്(22), ആലി ജെസില് (21) എന്നിവര്ക്കാണ് പരിക്കേറ്റത്. കോണ്ഗ്രസ് പ്രവര്ത്തകരായ ഇവരെ ചാവക്കാട് താലൂക്കാശുപത്രിയില് പ്രവേശിപ്പിച്ചു. ഞായറാഴ്ച്ച ഉച്ചയോടെ ചെങ്കോട്ട നഗറിനടുത്താണ് സംഭവം. ശനിയാഴ്ച്ച രാത്രി പുത്തന്കടപ്പുറം കോളനിക്കടുത്ത് ഡി.വൈ.എഫ്.ഐ പ്രവര്ത്തകനായ യഹിയ (22) ബൈക്ക് തടഞ്ഞു നിര്ത്തി ഒരുസംഘം യുവാക്കള് ആക്രമിച്ചിരുന്നു. ഇതിന് തുടര്ച്ചയായാണ് ഞായറാഴ്ചയുണ്ടായതെന്നാണ് പൊലീസ് കരുതുന്നു. അതേസമയം യഹിയയെ ആക്രമിച്ച സംഭവത്തില് നാലുപേര്ക്കെതിരെ പൊലീസ് കേസെടുത്തു. പുത്തന് കടപ്പുറം ജുമാമസ്ജിദിന് സമീപം മസൂദ്, ഇര്ഫാന്, ജലാല്, സാദിഖ് എന്നിവര്ക്കെതിരെയാണ് ചാവക്കാട് പൊലീസ് കേസെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.